通知

ད་ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར༡༠༠ལོན་པའི་ལོ་དང་། ཁྱོན་ཡོངས་ནས་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་དམིགས་འབེན་གསར་བར་རྡོག་ཐོན་བགྱིས་པའི་ལོ་ཡང་ཡིན། དེ་བས། ངེད་ཨ་མདོ་བརྙན་འཕྲིན་གྱིས་མི་རིགས་མཐུན་སྒྲིལ་དང་ཞིང་སྡེ་དར་རྒྱས་ཀྱི་སྲིད་ཇུས་དང་ཐབས་ལམ། སྔོན་ཐོན་མི་སྣ། ཕུལ་བྱུང་དཔེ་ལེགས་ཅན་གྱི་མི་སེམས་འགུལ་བའི་གཏམ་རྒྱུད་ལས་བྱུང་བའི་ལས་རིགས་སོ་སོའི་བླ་མེད་ཀྱི་ཕྱག་ལས་དང་ཞུམ་མེད་ཀྱི་སྙིང་སྟོབས། ལྡོག་མེད་ཀྱི་འགན་འཁྲི་བཅས་སྒྱུ་རྩལ་གྱི་ཐབས་ལམ་ལ་བརྟེན་ནས་མཚོན་པར་བྱེད་པ་དང་། བོད་རང་གི་ཁ་ཤགས་དང་གར་ཆུང་སྒྱུ་རྩལ་རྒྱུན་འཛིན་དར་སྤེལ་བྱེད་རྒྱུ་མ་ཟད། དེ་ལ་འཇོན་ཐང་དང་མོས་པ་ཡོད་པའི་གཞོན་སྐྱེས་སྐོར་ཅིག་སྐྱེད་སྲིང་བྱེད་པའི་ཀུན་སློང་གཙང་མ་སྔོན་དུ་བཏང་སྟེ་ཁ་ཤགས་དང་གར་ཆུང་དགོང་ཚོགས་ཤིག་བསྡུ་གྲབས་ཡོད་པས། དེ་རིང་ནས་སྤྱི་ཚོགས་ཡོངས་ལ་ཁ་ཕྱོགས་ནས་ཁ་ཤགས་དང་གར་ཆུང་བརྩམས་ཆོས་བསྡུ་རྒྱུ་ཡིན་པས། གཤམ་གྱི་ཆ་རྐྱེན་དང་རེ་འདུན་ལ་དོ་སྣང་བྱ་རོགས།