རྩེ་ཁོག་རྫོང་མི་རིགས་སློབ་འབྲིང་དང་པོས་སློབ་ཁྲིད་ཉན་དཔྱད་བྱ་འགུལ་སྤེལ་བ།
རྩེ་ཁོག་རྫོང་མི་རིགས་སློབ་འབྲིང་དང་པོས་སློབ་ཁྲིད་ཉན་དཔྱད་བྱ་འགུལ་སྤེལ་བ།
ཁྱོན་ཡོངས་ནས་སློབ་གྲྭའི་སློབ་ཁྲིད་སློབ་གསོའི་རྒྱུ་སྤུས་ཇེ་ལེགས་སུ་གཏོང་བ་དང་།
སྒོས་སུ་༼བསླབ་བྱ་གསུམ་༽གྱི་བསླབ་འབྲས་ཞན་པའི་དོན་དངོས་ལ་གཞིགས་སྟེ།
དགེ་རྒན་རྒན་པའི་སློབ་ཁྲིད་བྱེད་ཐབས་ལ་སློབ་སྦྱོང་དང་།
དགེ་རྒན་གཞོན་པའི་སློབ་ཁྲིད་ནུས་པ་མཐོ་འདེགས་དང་། ཙོང་ཁའི་ཡུལ་ནས་ལ་ཕེབས་པའི་སློབ་རོགས་དགེ་རྒན་ལ་བློ་འདྲི་བྱེད་པར་ཟླ9ཚེས་16ནས་ཚེས་25བར་སློབ་རའི་སློབ་ཁྲིད་ཉན་དཔྱད་བྱ་འགུལ་སྤེལ།
ཐེངས་འདིའི་བྱ་འགུལ་ཁྲོད་དགེ་རྒན་སོ་དགུ་ཡིས་སློབ་ཁྲིད་གནང་བ་དང་།
དགེ་རྒན་བརྒྱ་ཁ་ལྷག་སློབ་ཁྲིད་ཉན་དཔྱད་ལ་ཞུགས།
སློབ་ཁྲིད་ཐོག་དགེ་རྒན་རྣམ་པས་གྲ་སྒྲིག་གྱ་ནོམ་པ་བྱས་ཡོད་པ་དང་།
གཙོ་བོར༼སྔུན་སྦྱོང་གཞུག་ཁྲིད། ཐུན་ཐོག་སྦྱོང་སེལ༽གྱི་ཁྲིད་ཐབས་བེད་སྤྱད་དེ་སློབ་མ་ཡོངས་ཀྱི་ཁམས་དང་མོས་པར་བསྟུན་ནས་བློ་སྒོ་འབྱེད་པ།
དོན་དངོས་ལ་ཞུགས་པ། གླེང་མོལ་རྩད་ཞིབ་གྱི་ཐབས་ལམ་ལ་བརྟེན་ནས་སློབ་མའི་ཕྱོགས་ཡོངས་ཀྱི་ནུས་པ་སྔོག་འདོན་བྱེད་པ།
སློབ་མ་སློབ་ཁྲིད་ཀྱི་སྲོག་ཤིང་ལ་བཙུགས་ནས་སློབ་ཐུན་གང་བོར་བསམ་གཞིགས་དང་དོགས་སློང་།
དབྱེ་ཞིབ་དང་བརྒལ་ལན། རིགས་ལམ་དང་གསར་གཏོད་གྱིས་ཐོག་མཐའ་བར་གསུམ་དུ་དུས་འདའ་བར་བྱེད།
སློབ་ཁྲིད་དཔྱད་འཇོག་གི་རིམ་པར་དགེ་རྒན་རྣམ་པས་རང་དཔེ་གཞན་སྟོན་དང་། སློབ་ཁྲིད་ཀྱི་སྐྱོན་ཡོན་སྦ་གསང་མེད་པར་དཔྱད་བརྗོད་སྤེལ། དཔྱད་བརྗོད་སྤེལ་སྟངས་གཙོ་བོར་གསུམ་གཉིས་གཅིག་གི་རྣམ་པ་སྟེ། སློབ་ཁྲིད་ཀྱི་ཡོན་ཏན་སྣ་གསུམ་བརྗོད་པ། བསམ་ཚུལ་དང་དང་རེ་བ་གཉིས་འདོན་པ། སྐྱོན་ནམ་མི་འདང་ས་གཅིག་སྟོན་པ་བཅས་ཀྱི་སྒོ་ནས་གང་ལ་གང་འཚམས་དང་དེ་ལ་དེར་མཐུན་གྱི་དཔྱད་བརྗོད་སྤེལ་ཏེ། ཕན་ཚུན་ལ་སློབ་སྦྱོང་དང་། ཕན་ཚུན་ལ་བརྩི་འཇོག མཉམ་གནས་གོང་སྤེལ་གྱི་སློབ་དཔྱོད་ཁ་དབུགས་གསར་བ་སློབ་རའི་སློབ་ཁྲིད་སློབ་གསོ་ཁའ་དབྱིངས་སུ་བསྐྲུན།
|
|
|
|
|
|
北京网笑信息技术有限公司 仅提供技术支持 违法和不良信息举报中心
