༢༠༢༡ལོའི་དཔྱིད་དུས་སློབ་སྐབས་ཀྱི་སྐྱོར་དཔོན་ཚོགས་འདུ་བསྡུས།
རྩེ་ཁོག་རྫོང་མི་རིགས་སློབ་འབྲིང་དང་པོའི༢༠༢༡ལོའི་དཔྱིད་དུས་སློབ་སྐབས་ཀྱི་སྐྱོར་དཔོན་ཚོགས་འདུ་བསྡུས།
ཟླ་༦པའི་ཚེས་༡༣ཉིན།
རྩེ་ཁོག་རྫོང་མི་རིགས་སློབ་འབྲིང་དང་པོའི་༢༠༢༡ལོའི་དཔྱིད་དུས་སློབ་སྐབས་ཀྱི་སྐྱོར་དཔོན་ཚོགས་འདུ་ཐེམ་སྐས་སློབ་ཁང་དུ་བསྡུས།
སློབ་གཙོ་གཞོན་པ་ཤ་བོ་དོན་གྲུབ་དང་།
སློབ་སྟོན་ཁང་གི་ཀྲུའུ་རིན་མགོན་པོ་སྐྱབས་དང་། ཀྲུའུ་རིན་གཞོན་པ་འབྲུག་འབུམ་དང་།
སློབ་སྟོན་ཁང་གི་ལས་སྣ་བཅས་དགེ་རྒན་དྲུག་དང་། འཛིན་གྲྭ་སོ་སོའི་སྐྱོར་དཔོན་གཙོ་བོ་དང་སློབ་སྦྱོང་གི་སྐྱོར་དཔོན་བཞི་བཅུ་ཞེ་བརྒྱད་ཚོགས་འདུར་ཞུགས།
ཚོགས་ཐོག་ཏུ་སློབ་མའི་སློབ་སྦྱོང་གི་གནས་ཚུལ་དང་། ལས་བྱ་བཀོད་སྒྲིག
སློབ་མའི་ལུས་མེམས་བདེ་ཐང་སྐོར་ལ་རྒྱུས་ལོན་དང་ཞིབ་བཤེར་བྱས། དེ་མིན་སློབ་མས་དགེ་རྒན་ལ་དང་བ་ཇི་ལྟར་འདྲེན་པ་དང་།
བསླབ་ཚན་ཁག་ལ་དགའ་བ་ཇི་ལྟར་སྒོམ་སྟངས། སློབ་སྦྱོང་གི་གོམས་གཤིས་ཇི་ལྟར་སྐྱེད་སྲིང་བྱ་ཚུལ། བསླབ་བྱ་གང་དག་གཙོ་གནད་དུ་འཛིན་དགོས་པ།
རྒྱུགས་འབྲས་ཞན་པའི་བསླབ་བྱ་ཇི་ལྟར་སྦྱང་སྟངས་སྐོར་ལ་བླང་བྱ་ནན་མོ་བཏོན།
གཞན་ཡང་།དམའ་གཅིག་རིམ་པའི་༼བསླབ་ཚན་གསུམ་༽ལ་ཤུགས་སྣོན་རྒྱག་དགོས་པར་མ་ཟད།སྒོས་་སུ་སློབ་གྲྭ་ཡོངས་ཀྱི་གྲངས་རིག་དང་དབྱིན་ཡིག་ལ་ཤུགས་སྣོན་བྱེད་དགོས་པ་སོགས་ལ་སློབ་གྲྭའི་དོན་དངོས་དང་མ་འོངས་པར་ཁ་ཕྱོགས་ཏེ་རེ་བ་ནན་མོ་བཏོན།
མཐའ་མར་སྐྱོར་དཔོན་རེ་རེའི་ལག་ཏུ་སློབ་ཁྲིད་མྱུར་ཚད་བཞི་བཤེར་རེའུ་མིག་དང་སློབ་ཁྲིད་སློབ་གསོ་རྒྱུས་ལོན་ཞིབ་བཤེར་རེའུ་མིག་བཀྲམས་ཏེ་སློབ་ཁྲིད་སློབ་གསོའི་སྐོར་ལ་རེ་བ་དང་བསམ་འཆར་ཅི་ཡོད་དང་ལེན་བྱས།
|
|
|
|
|
|
